Gefum fólki færi á að skila inn veði og skuldabréfi

Besta leiðin og skilvirkasta til að lenda þessum lánamálum án þess að friðurinn rofni í samfélaginu er að fólki sé gert kleyft að skila inn lyklunum og losna þannig við lánin. Þannig verði hægt að koma í veg fyrir að við þurfum að verja heimili fólks fyrir laganna vörðum og við náum að dreyfa betur því tapi sem stórskyuldarar fengu í arf frá bankahruninu.

Það húsnæði sem safnaðist þannig inn gæti svo myndað grunn að raunverulegu félagslegu íbúðarkerfi.

Lög um greiðsluaðlögun taka gildi 15. maí

Athugasemdir

[Rósa (IP-tala skráð) 4.5.2009 kl. 18:18]

Af hverju þarf ungt fólk sem stofnar fjölskyldu að byrja á því að skuldbinda sig til íbúðakaupa og vinna síðan ótæpilega á meðan börnin eru lítil og þurfa á foreldrum sínum óþreyttum að halda?

Af hverju er ekki virkur húsaleigumarkaður á Íslandi eins og á hinum Norðurlöndunum?
Séreignastefnan hér á landi var undirritað samkomulag á milli ríkisvaldsins og verkalýðshreyfingarinnar. Ákveðið var að allir eiga að kaupa íbúð. Líka sá hluti launafólks, sem margt ræður ekki við íbúðakaup, þ.e. ef eitthvað kemur uppá: veikindi, flutningur á milli landshluta, aðrar breytingar og á aldrei varasjóði til að grípa í.
Margir einstaklingar fara í gjaldþrot, bara vegna þess að þeir réðu ekki við að kaupa íbúð.

Nú væri tækifærið fyrir félagshyggjuríkisstjórn, sem vildi standa undir nafni og núll-stilla kerfið.

[Héðinn Björnsson, 6.5.2009 kl. 16:23]

Sammála Rósa og með því að leyfa fólki að skila inn lyklunum skapast stórt eignarsafn hjá ríkinu sem það getur notað til að búa til leigumarkað.