Héðinn Björnsson

Ef einhver skildi hafa áhuga á raunverulegum atvinnuleysistölum meðal aldurshópa þá eru hér að neðan hinar eiginlegu tölur. Með því að draga alla þá frá sem eru í námi má ná fram svakalegri hlutföllum ef það henntar pólitískum hagsmunum mans en það gerir samanburð milli aldurshópa ósanngjarnan því nám er starf stórs hluta ungmenna. Einnig skal taka fram að lár meðalaldur og aukin örorkutíðni á seinni árum meðal hópa með erfið félagsleg vandamál skýrir stóran hluta fallsins í atvinnuleysistölunum milli aldurshópa. Það er því ekki hægt að nota þessar tölur sem merki um það að atvinnuleysi sé sértækt vandamála meðal ungmenna. Atvinnuleysi er samfélagslegt vandamál og ekki neinn tölfræðilegur grunnur til að greina milli aldurshópa.  

*Fjöldi miðar við 1. júlí og er tekin af vef Hagstofunnar.

** Atvinnuleysistölur er frá 31. október og eru teknar af vef Vinnumálastofnunar.

***Nota fjölda á Íslandi sem eru á aldursbilinu 50 - 67 ára.

	Ung og atvinnulaus í mestri hættu
Ábyrgðarmaður færslu Tilkynna um óviðeigandi tengingu við frétt

Ég styð Ögmund í sinni ákvörðun og trúi því að hún muni reynast farsæl fyrir lýðræðið á Íslandi. Hótun Samfylkingarinnar gekk út á að slíta stjórninni ef hún væri ekki til í að taka upp gömlu vinnubrögð Sjálfstæðisflokksins þar sem allt er ákveðið í ríkisstjórn og Alþingi gert að afgreiðslustofnun hennar. Ögmundur neitar að taka undir slík vinnubrögð og er því gert að víkja ellegar felli Samfylkingin stjórnina. Þar sem ég ekki sé neitt annað stjórnarmynstur í boði falli þessi stjórn verð ég að telja þessa ákvörðun skynsamlega enda afleitt að fara í kosningar á núverandi tímapunkti, með fjárlög upp í loft, yfirvofandi greiðsluverkfall og alt ófrágengið gagnvart umheiminum. Með þessum mótleik Ögmundar heldur hið aukna þingræði sem við náðum í gegn í sumar og Samfylkingin gert að skilja að hún vinnur ekki rökræður með hótunum.

	Ögmundur segir af sér
Ábyrgðarmaður færslu Tilkynna um óviðeigandi tengingu við frétt

Greiðsluverkfall Hagsmunasamtaka heimilanna er sú barátta sem mun fremur öðru skilgreina hverskonar samfélag við komum til með að byggja á Íslandi á komandi áratugum. Þar er tekist á um það grundvallaratriði hvort fjármálastofnanir hafi ótakmarkaðan rétt til að ganga að verðmætum skuldara eða hvort skuldarar hafi samtakamátt sem megni að setja fjármálastofnunum einhverjar skorður og fái viðurkenndan sameiginlegan samningsrétt sem komi í veg fyrir að hægt sé að kúga skuldarana til hvaða skilmála sem er hvern fyrir sig.

Þetta er ekki einkamál þeirra 20% heimila sem ekki ná endum saman heldur skiptir máli að við líka sem fyrir blöndu af heppni, forgjöf og forsjálni stöndum betur að vígi stöndum með þeim sem lenda fyrst undir árás því jafnvel þó við náum endum saman í dag þá er ekkert því til fyrirstöðu að fjármálaaflið skrúfi upp kröfur sínar aftur og aftur um tugi prósenta ef þau komast upp með það í þetta sinn og því eigum við öll gífurlega hagsmuni að því að verja greiðsluverkfallið. Falli það stöndum við miklu ver þegar að kemur að okkur í þrotaröðinni.

Að lokum vil ég hvetja stjórnvöld og stjórnir fjármálafyrirtækja til að leitast eftir samningaviðræðum við HH sem fyrst og reyna að finna lausn á deilunni því hvernig sem allt fer þarf að finna sátt ef friðurinn á að halda og rofni friðurinn skiptir líka öllu að til sé trúverðugur aðili að semja við eigi friður að nást á ný.

	Innan við þriðjungur tilbúinn í greiðsluverkfall
Ábyrgðarmaður færslu Tilkynna um óviðeigandi tengingu við frétt

Bendi fólki á fundinn í kvöld þar sem fjallað verður um yfirvofandi greiðsluverkfall sem byrjar 1. október.

Framsögur munu halda Þorvaldur Þorvaldsson, Aldís Baldvinsdóttir og Einar Árnason hagfræðingur og auk þeirra verða í panel Ólafur Arnarson, Björn Þorri Viktorsson og greiðsluverkfallsstjórn Hagsmunasamtaka heimilanna.

Við verðum að standa saman og knýja fram samningsvilja hjá fulltrúum fjármagnsins á Íslandi eða taka því að lifa sem þý þeirra um ókomna framtíð. 

	Vanskil aukast hratt
Ábyrgðarmaður færslu Tilkynna um óviðeigandi tengingu við frétt