Sameiningartákn?

Þetta er soldið furðulegt orð að nota um manneskju. Helst að maður hefði bennt á Pál Skúlason eða Hörð Torfa ef maður hefði verið spurður. Annars hefur mér alltaf fundist Þingvellir vera hið eiginlega sameingartákn Íslendinga og kemur væntanlega engin manneskja til með að geta tekið þann sess í mínum huga.

Fáir telja forsetann sameiningartákn þjóðarinnar

Vanhæft vegna skoðanna?

Það er að mínu mati tóm della að fólk sé metið til hæfis við starfsumsóknir eftir skoðunum. Ég deili ekki mörgum skoðunum með Jóni Magnússyni en fæ ekki séð að hann geti talist vanhæfur til þess að vera saksóknari vegna skoðanna sinna.

Jón dregur umsókn til baka

Ég skal ljúka óvissunni...

... það verður ekkert helv... álver á Bakka. Ekki vegna óvilja vondra yfirvalda heldur vegna þess að það er verið að framleiða allt of mikið af áli í heiminum í dag nú þegar og því enginn með vit í kollinum að fara að auka álframleiðslu. Þar að auki er ekki nóg af orku að sækja á þetta svæði fyrir álverið og enn frekar þurfum við sem samfélag að breikka framleiðslugrunn okkar og því þurfum við að finna aðra nýtingu á þeirri orku sem má virkja til að hagkerfi okkar þjóti ekki upp og niður með sveiflum í álverði.

Óvissu um álver á Bakka verður að ljúka

Verstöðin Ísland?

Ein leið til að koma á jákvæðum viðskiptajöfnuði er að flytja til útlanda skuldsett atvinnulaust fólk og fólk  úr innanlands-þjónustugeiranum sem heldur þá áfram að borga til landsins af lánum sínu erlendis frá og mun líklega koma talsvert sem ferðamenn að heimsækja ættingja hérna heima. Slíkur útflux af fólki mun þá skila sér í minni innflutningi og minni þjónustu við þá sem eftir eru en ekki draga verulega úr útflutningstekjum. Þannig má reyna að hámarka vöru- og þjónustujöfnuð til að reyna að láta hann ná að vega upp á móti þeim neikvæða þáttatekjujöfnuði sem verður væntanlega um 140-160 miljarðar á ári.

Ef þessi leið verður farin mun það þíða að mörg þjónusta sem við þekkjum í dag (s.s. viðgerðir, heilbrigðisþjónusta, skólaþjónusta og kvöldopnun á verslunum, ) verða erfiðari og erfiðar að fá og verða dýrari. Einnig mun fólksfjölda landsins minnka talsvert og meðalaldur hækka, en lífslíkur lækka. Stærsta hættan er að eftir því sem fleiri verða reknir til útlanda með efnahagslegum aðferðum fari að bresta á flótti meðal þeirra sem skaffa útfluttningstekjurnar og þá hefjist dauðaspírall fyrir samfélagið sem erfitt verði að brjóta. 

Er fólksfækkun jafnvel jákvæð í kreppunni?

Það eru komnar nýjar tölur...

Nýjustu tölur benda til að þátttatekjur séu neikvæðar um 36 miljarða á 2. ársfjórðungi þegar leiðrétt hefur verið fyrir gömlu bönkunum sem svarar til þess að þátttatekjur verði neikvæðar um 150 miljarða á árinu sem er umtalsvert betri staða en hefur verið í umræðunni hingað til en þó um fjórðungur af útflutningi á vöru og þjóunustu. Skuldir gömlu bankanna hefur skyggt talsvert á mína sín á hlutina og verður það að skrifast á reynsluleysi mitt í hagfræðistúdíum. Samt er þá staðan sú að við skuldum þá nettó um 2500-3000 miljarða og þar sem vöru- og þjónustujöfnuður verður líklega jákvæður um 70 miljarða mun þjóðarbúið þurfa að taka um 80 miljarða lán til að greiða vexti af eldri lánum á þessu ári. Það dugar ekki til lengdar og því er væntanlega stefnan að skera niður innflutning og auka útflutning um sem svarar 80 miljörðum á komandi árum umfram neyslumynstrið 2009.

Hjá hagstofunni má sjá hvað Íslendingar fluttu inn fyrstu 7 mánuði ársins og eru þar fyrst og fremst þrír flokkar sem við höfum áhrif á: Matar og drykkjarvörur 23,3 miljarðar, eldsneyti og smurolíur 27,4 miljarðar og aðrar neysluvörur 33,3 miljarðar. Samtals eru þetta 84 miljarðar á 7 mánuðum sem svara til 145 miljarða á ársgrundvelli. Ef finna á niðurskurðinn í innflutingi fyrst og fremst hjá almenningi mun því þurfa að skera niður meirihlutan af því sem við flytjum inn í dag þrátt fyrir að við í dag höfum nú þegar skorið mjög mikið niður hjá okkur erlendan neysluvarning. Svo þarf að finna nýjar tekjur til að fara að greiða þetta niður.

Ég held svei mér þá að þetta væri hægt! Það á svo væntanlega eftir að bæta við Icesave-skuldinni sem mun krefjast þess að við finnum 60 miljarða aukalega þessi ár sem um er að ræða, en við getum vonandi skýlt okkur eitthvað á bak við fyrirvarana þegar kemur að því að borga niður þann pakka. En enga leið sé ég hinsvegar til að við getum greitt niður þessar skuldir. Við getum greitt vextina ef við herðum sultarólina þangað til brakar í mjöðmum og okkur tekst að plokka eitthvað meira af ferðamönnum, álframleiðendum og fiskkaupendum en ég fæ ekki sé hvernig við eigum að geta greitt eitthvað inn á höfuðstólinn. Það má kannski fá það frá farandverkamönnum erlendis sem senda peninga heim til að borga af húsnæðisláninu sínu.

Tel þó en að svona niðurskurður muni ganga að samfélaginu því sem næst dauðu. Vona bara að enn séu einhverjir hlutir sem ég hafi yfirsést sem geri dæmið bærilegra.

Viðskiptajöfnuður óhagstæður

Vond fjárfesting?

Ríkið leggur fram 72 miljarða í ríkisskuldabréfum og fær fyrir það 13% eignarhluta í Nýja Kaupþing sem við það fær 12% eiginfjárhlutfall. Erlendu áhættufjárfestarnir sem keyptu kröfurnar í bankann á brunasölu leggja jafn mikið af kröfum og eignum í bankan en fá ráðandi hlut og bankaleyfi til að ná aftur peningunum sínum með skammtíma uppskrifun á eignum og bókfærðum hagnaði ala 2007 og svo hægt að láta allt draslið rúlla aftur þegar kemur í ljós að lítið fæst upp í lánasafnið. Við eigum að bera alla ábyrgð ef allt fer á versta veg en hinir hirða mest allan gróðan ef einhver verður. Einhvernvegin efast ég um að þetta sé heillavænlegt viðskipta-módel fyrir almenning.

Helst hefði ég viljað sjá bankana þrjá fara í gjaldþrotaskipti án aðkomu ríkisvaldsins og svipt þá bankaleyfinu fyrir gáleysi og/eða glæpsamlega hegðun í bankarekstri. Ríkið gæti síðan stofnað sinn eigin nýja banka sem keypti þær eignir sem þeim leist á í brunarústum bankanna fyrir skuldabréfin sín í stað þess að vera gefa gömlu bönkunum þá til að endurræsa sig án þess einu sinni að geta komið í veg fyrir að bankastarfsemin haldi áfram gömlum töktum. 

Að lokum finnst mér verulega einkennilegt að það sé hægt að taka svona stóra ákvörðun um framtíðarskipulag íslensks hagkerfis án þess að ræða það við fjárlaganefnd. Hvernig er hægt að binda ríkið fyrir 200 miljörðum án aðkomu fjárlagavaldsins? Þarf ekkert að ræða þetta í þinginu? Maður spyr sig...  

Kröfuhafar gætu eignast Kaupþing

Rétt en misvísandi

Það er alveg satt að vöruskiptajöfnuðurinn er jákvæður um 40 miljarða fyrstu 7 mánuði ársins og verða því væntanlega jákvæð um 60-70 miljarða í lok ársins, á móti kemur að þáttatekjur voru neikvæður um 65 miljarða á fyrsta ársfjórðungi og verða því líklega neikvætt um 250 miljarða á árinu. Þar sem þjónustujöfnuður verður væntanlega lítill verður viðskiptajöfnuðurinn fyrir 2009 því líklega neikvæður á bilinu 150-200 miljarða. Þessi útblæðing íslensks hagkerfis mun ef ekki verður brugðist við þurka upp allt hagkerfið og setja landið í þrot.

Að lokum vil ég benda á aðferð Ekvador sem síðan síðasta desember hefur minnkað erlendar skuldir sínar um 67% með því að kaupa upp eigin skuldir í útlöndum eftir greiðsluþrot.

Nærri 40 milljarða afgangur

Hélt að Skagamenn væru farnir á hausinn

...hjúkkit! Bara Íslensk afþreying sem var farin á hausinn. Buisness as usual.

Skiptastjóri þrotabús ÍA kannar meinta mismunun

Er hægt að bóka manninn í jobbið?

Hver veit nema að Hollendingar og Bretar tækju því öðruvísi ef við værum með svona mann og Evu Joly sem sem okkar talsmenn. Íslendingar eru til margs góðir og ég er viss um að þetta fólk sem var í samningarnefndinni gerði allt sem þau gátu en stundum þarf soldið meira veraldarvanda talsmenn en Svavar Gestsson.

Skynsamlegt að semja að nýju

Skynsemi fyrir hvern?

Fyrir hvern er það ekki skynsamlegt? Ég fæ ekki betur séð en að slík niðurfelling myndi vera góð leið til að gæta jafnræðis milli skuldara svo að þeir sem hafi sambönd fái ekki afkriftir langt umfram þá sem erfitt eiga með að verja sig, óháð réttmæti krafna bankans. En það er kannski skynsamlegra fyrir kerfið að afskriftirnar fari fram undir bankaleynd.

Almenn afskrift skulda ekki skynsamleg