Hvernig komum við lögum yfir þessa drullusokka?

Maður fær alveg kökk í hálsinn þegar maður hugsar um afleiðingarnar sem glæpir þessarra manna hafa í för með sér. Hvenirg tökum við á svona stórfeldum efnahagsbrotum? Lögreglukerfið okkar er ekki gírað í þennan slag og stjórnmálamennirnir ekki heldur. Hvernig eigum við að snúa okkur? Ræðum það saman á borgarafundi í iðnó á morgun:

http://borgarafundur.org
Í IÐNÓ, miðvikudaginn 11. mars kl 20-22.

Fundarefni
500 milljarðar til eigenda - glæpur eða vinagreiði

Frummælendur
Atli Gíslason - þingmaður
Bjarni Benediktsson - þingmaður
Björn Þorri Viktorsson - hæstaréttarlögmaður

Breskt sjúkrahús tapar vegna hruns Kaupþings

Falin lækkun húsnæðisverðs heldur uppi húsnæðislánum

Það alvarlega í þessu er að með því að fela lækkunina á húsnæðisverði er húsnæðislið neysluvísitölunnar haldið uppi og þar með smurt ofan á lánin okkar upphæð sem við borgum vexti af að ósekju.

Helvítis fokking fokk! 

Nafnverð íbúða lækkar lítið

Hvað gerum við þá við forvöl og prófkjör sem hafa verið tilkynnt?

Ég styð tillöguna en maður spyr sig hvað flokkur eins og t.d. VG þar sem mikill stuðningur er við þessa leið gerir þegar að búið er ákveða forval. Maður spyr sig...

Persónukjör í kosningunum?

Bjóðum upp kvótan.

Í stað þess að úthluta kvótanum ætti að bjóða hann upp. Það væru aðallega þrír aðilar sem ég gæti hugsað mér að myndu bjóða:

• Atvinnuhvalveiðimenn
• Friðunarsinnar
• Sportveiðimenn

Meðan stofnin stendur undir veiðum er mér sama hver fær hnossið og því eðlilegast að þeir sem geta borgað geri það. Friðunarsinnar í útlöndum fá þá hreinan valkost við að mótmæla hvalveiðum okkar sem er að bjóða í veiðiheimildina. Á þennan hátt gæti einnig skapast ný atvinnugrein sem væri raunverulegt hvalasafari þar sem ríku fólki byðist að fá að skjóta hval gegn mikilli borgun.  

Á tímum þar sem óvíst er með markað fyrir afurðirnar er þetta líklega besta leiðin til að fá tekjur af þessarri auðlynd og hún kemur í veg fyrir að spilling ráði hver nýti auðlyndina sem er jú sameign landsins. Það skýtur skökku við að stjórnvöldum finnist ástæða til að bjóða út ræstingar á landsspítalanum en ekki sé hægt að bjóða út hvalveiðiheimildir.

Skagamenn vilja fund um hvalveiðar

Get ég fengið þessa til að semja um lánin mín?

Þessi eftirlitsnefnd gæti fengið viðamikið hlutverk við að semja fyrir hönd heimilanna í landinu ef henni tekst vel til við að semja við lánastofnanir Bolungarvíkur :-)

Óska eftir niðurfellingu skulda Bolungarvíkur

Alltaf skal sparað með því að reka skúringarfólk

Það segir sitt um hverjir ákveða hvar skuli sparað að alltaf er það skúringarfólk sem verður fyrst til að fara. Gildir þá engu að sparnaðurinn er nánast enginn enda fær þetta fólk lítið meira fyrir störf sín heldur en atvinnuleysisbætru. Hverskonar hagfræði er það sem segir að það sé betra að vera með skítugan spítala með tilheyrandi smitsjúkdómum heldur en að halda fólki í vinnu sem annars fer heim í sófa.

Heilbrigðiskerfið er ógurlegt bákn og þar má spara tugi milljarða bara með því að minnka bruðlið en alltaf skal samt reka skúringarfólkið. Ég treysti á að komandi ríkisstjórn muni fara út í heildstæðari sparnaðaraðgerðir í stað þess að henda bara kostnaðinum frá einni stofnun yfir á hina. 

Óskiljanleg harka Landspítala

Fjölmiðlar og tölfræði

Það er mér sífelld undrun hvað erfiðlega virðist fyrir fjölmiðlafólk að vinna með tölfræðiupplýsingar miðað við að önnur hver frétt er einmitt tilgangslaus upptalning á tölfræðiupplýsingum. Þessar fréttir falla oftast í eftirfarandi flokka:

• Niðurstöður skoðanakannana.
• Stöðu Íslands í ýmsum samanburði við önnur ríki.
• Uptalning hagtalna.

 

Skoðanakannanir 

Þegar kemur að skoðanakönnunum er sjaldnast horft til einnar mikilvægustu stærðarinnar í skoðannakönnununni sem er hversu margir vilja svara henni. Þegar t.d. 55% af fólki vill svara hvaða flokk það styður í borgarstjórn en 90% vill svara hvort það styður eða styður ekki nýjan meirihluta, þá er hin eðlilega túlkun gagnanna ekki að Samfylking stefni á að fé hreinan meirihluta í næstu kosningum heldur að stór hluti miðju og hægrimanna í borginni treysta sín ekki til að benda á neinn flokk sem þeir geta stutt í borgarstjórn.

Nánast án undantekningar notað of mikið af aukastöfum í svona fréttum. Það er alger lágmarkskunnátta í tölfræði að þegar að óvissa hleypur á hundraðshlutum að þá er markleysa að gefa upp niðurstöður í þúsundshlutum. Þaðan af síður er ástæða til að túlka það sem framgang að hækka um innan við hundraðshluta sem þó er gert að jafnaði.

Ekki er greint á milli kannana sem hefur gengið vel að spá fyrir um úrslit kosninga og þeirra sem hefur gengið það ver og jafnvel er sagt frá verulega ómarktækum könnunum ss. netkönnunum eða könnunum með runu spurninga sem leiða að ákveðinni niðurstöðu. 

Staða Íslands í alþjóðlegu samhengi

Oft á ári koma inn á borð Íslendinga mikið af könnunum þar sem borið er saman lífsskilyrði milli landa og rata slíkar skýrslur jafnan í fréttir og þá gjarnan undir yfirskriftum eins og bestu lífsgæði í heimi á Íslandi. Þetta er jafnan gert algerlega án þess að taka fram að aðeins hafi verið skoðuð 10-20 lönd eða án þess að fram komi hvað hafið verið skoðað eða hvort tölurnar sé á nokkurn hátt sambærilegar milli landa.

Hagtölur

Þegar fjallað er um hagtölur í fréttum ógir nánast öllu saman í einn hrærigraut og sjaldnast er hægt að henda reiðu á hvaða hagstærð nákvæmlega er verið að ræða um eða hvort rætt sé um hlutfallshækkun eða prósentustigshækkun. Þá eru prósentur nánast án undantekningar lagðar saman vitlaust og er túlkunin á þessum breytingum líkleg til að vera úr öllu sambandi við óvissu þeirri sem fylgir viðkomandi hagtölum.

Maður hefði haldið að það væri allavega til einn fjölmiðill sem hefði ráð á að ráða tölfræðing sem gæti farið yfir augljósar tölfræðivillur á sama hátt og farið er yfir stafsetningar og málfarsvillur