Skattlagning sem sparar gjaldeyri en legst hlutfallslega harðast á þá sem eru veikastir fyrir.

Það er sumt sem truflar mig við þessa hækkun.

• Verðtryggingarhækkunin upp á 7-8 milljarða er hið augljósa. Þetta samsvarar 400 milljóna árlega skattahækkun sem fellur verst á þá sem eru skuldugastir.
• Krónutöluhækkun áfengis legst harðast á þá sem drekka ódýrustu gerðir áfengis og er því í raun 6% hækkun fyrir hina ríku og 11% fyrir millistéttina og 0% fyrir bindindisfólk og bruggara. Umtalsvert betra hefði verið að hækka vaskinn á áfenga drykki svo það legðist jafnara á fólk.
• Að keyra þetta í gegn á einu kvöldi ber ekki vitni um góða stjórnsýsluhætti. Ég veit að þetta hefur verið gert svona áður en það er margt sem við viljum gera öðruvísi en gert hefur verið og því tek ég það ekki sem afsökun. Það þarf að koma á einhverskonar lágmarkstíma frá því að frumvarp er lagt fyrir þingið og þar til það verður að lögum.

Á móti kemur að þetta er aðferð sem raunverulega minnkar innflutning við það að fólk mun væntanlega kaupa minna bensín og erlent áfengi, en það skiptir í raun meira máli að auka vöruskiptajöfnuðinn heldur en að minka hallan á ríkissjóði enda er vöruskiptajöfnuðurinn það sem á að borga erlendu skuldirnar okkar (Deutche bank tekur ekki íslenskar).

Áfengi hækkar um 6-11%