Það eru komnar nýjar tölur...

Nýjustu tölur benda til að þátttatekjur séu neikvæðar um 36 miljarða á 2. ársfjórðungi þegar leiðrétt hefur verið fyrir gömlu bönkunum sem svarar til þess að þátttatekjur verði neikvæðar um 150 miljarða á árinu sem er umtalsvert betri staða en hefur verið í umræðunni hingað til en þó um fjórðungur af útflutningi á vöru og þjóunustu. Skuldir gömlu bankanna hefur skyggt talsvert á mína sín á hlutina og verður það að skrifast á reynsluleysi mitt í hagfræðistúdíum. Samt er þá staðan sú að við skuldum þá nettó um 2500-3000 miljarða og þar sem vöru- og þjónustujöfnuður verður líklega jákvæður um 70 miljarða mun þjóðarbúið þurfa að taka um 80 miljarða lán til að greiða vexti af eldri lánum á þessu ári. Það dugar ekki til lengdar og því er væntanlega stefnan að skera niður innflutning og auka útflutning um sem svarar 80 miljörðum á komandi árum umfram neyslumynstrið 2009.

Hjá hagstofunni má sjá hvað Íslendingar fluttu inn fyrstu 7 mánuði ársins og eru þar fyrst og fremst þrír flokkar sem við höfum áhrif á: Matar og drykkjarvörur 23,3 miljarðar, eldsneyti og smurolíur 27,4 miljarðar og aðrar neysluvörur 33,3 miljarðar. Samtals eru þetta 84 miljarðar á 7 mánuðum sem svara til 145 miljarða á ársgrundvelli. Ef finna á niðurskurðinn í innflutingi fyrst og fremst hjá almenningi mun því þurfa að skera niður meirihlutan af því sem við flytjum inn í dag þrátt fyrir að við í dag höfum nú þegar skorið mjög mikið niður hjá okkur erlendan neysluvarning. Svo þarf að finna nýjar tekjur til að fara að greiða þetta niður.

Ég held svei mér þá að þetta væri hægt! Það á svo væntanlega eftir að bæta við Icesave-skuldinni sem mun krefjast þess að við finnum 60 miljarða aukalega þessi ár sem um er að ræða, en við getum vonandi skýlt okkur eitthvað á bak við fyrirvarana þegar kemur að því að borga niður þann pakka. En enga leið sé ég hinsvegar til að við getum greitt niður þessar skuldir. Við getum greitt vextina ef við herðum sultarólina þangað til brakar í mjöðmum og okkur tekst að plokka eitthvað meira af ferðamönnum, álframleiðendum og fiskkaupendum en ég fæ ekki sé hvernig við eigum að geta greitt eitthvað inn á höfuðstólinn. Það má kannski fá það frá farandverkamönnum erlendis sem senda peninga heim til að borga af húsnæðisláninu sínu.

Tel þó en að svona niðurskurður muni ganga að samfélaginu því sem næst dauðu. Vona bara að enn séu einhverjir hlutir sem ég hafi yfirsést sem geri dæmið bærilegra.

Viðskiptajöfnuður óhagstæður

Athugasemdir

[Guðbergur Egill Eyjólfsson, 4.9.2009 kl. 09:07]

Komdu sæll Héðinn

Ég deili áhyggjunum með þér en það sem angrar mig er að vg skuli ekki sýna meiri einurð í að framfylgja stefnu sinni. Ég hélt að við stefndum að sjálbæru samfélagi og sjálfbært samfélag framleiðir sín matvæli og sína orkugjafa sjálft. Hvorutveggja er skráð í stefnu flokksins en ekkert bólar á að ríkisstjórnin sé að stefna í þessa átt. Með því að ná þessu fram þá myndu sparast tugir milljóna í gjaldeyristekjum. Það með orkugjafann er meiri framtíðar sín en varðandi matvælin þá væri hægt að vinda sér í það strax í dag.
Baráttukveðja

[Héðinn Björnsson, 4.9.2009 kl. 11:04]

Það er myndi allavega stórkostlega minnka þörf okkar á því að minnka neyslu okkar ef hægt væri að fá innlent eldsneyti og matvæli í stað þess sem við munum ekki hafa efni á að kaupa frá útlöndum.