Ég skal ljúka óvissunni...

... það verður ekkert helv... álver á Bakka. Ekki vegna óvilja vondra yfirvalda heldur vegna þess að það er verið að framleiða allt of mikið af áli í heiminum í dag nú þegar og því enginn með vit í kollinum að fara að auka álframleiðslu. Þar að auki er ekki nóg af orku að sækja á þetta svæði fyrir álverið og enn frekar þurfum við sem samfélag að breikka framleiðslugrunn okkar og því þurfum við að finna aðra nýtingu á þeirri orku sem má virkja til að hagkerfi okkar þjóti ekki upp og niður með sveiflum í álverði.

Óvissu um álver á Bakka verður að ljúka

Athugasemdir

[Baldur (IP-tala skráð) 11.9.2009 kl. 15:05]

Framlengja viljayfirlýsinguna í það minnsta.  Orku er hægt að afla og álverð fer hækkandi.  Álverið sem nú er að rísa í Helguvík verður lyftistöng og að sjálfsögðu á að reyna að koma annari framkvæmd af stað á Bakka líka.  Ríkinu ber skylda að koma þessu af stað

[Ingólfur Ásgeir Jóhannesson, 11.9.2009 kl. 15:14]

Góð færsla, Héðinn - ótrúlega áhættusöm framkvæmd og eina leiðin til að ná þeim milljarði sem ég hef heyrt að Húsvíkingar hafi nú þegar sóað er að eyða ekki meiru í þetta

[Rauða Ljónið, 11.9.2009 kl. 15:23]

 Sæll. Héðinn.

Geturðu svarað því hversvegna álver eru að auka framleiðslu sína nú í dag.?

 Geturðu svarað því hversvegna álverð er á uppleið ?

 Geturðu svarað því hversvegna hitt og þetta og eitthvað annað er og hversvegna það hefur ekki komið síðustu 40 árinn?

 Geturðu svarað því hversvegna álver eru ein af fáum fyrirtækjum á Íslandi sem sýna hagnað og skila þjóðarbúinu hátt í 80 milljarða á ári í gjaldeyrir sem eftir verða í landinu?

Sjávarútvegur er með tæp 40% álver með 48% hvort skilar þá meiri gjaldeyrir.?

[Baldur (IP-tala skráð) 11.9.2009 kl. 15:40]

Ingólfur, er ekki meiri áhætta að gera ekkert?  Hvaða önnur lausn í atvinnuuppbyggingu hafa Húsvíkingar?  Ekki koma bara með "eitthvað" því við vitum það vel báðir að það er ekkert.  Álver í Helguvík hefur verið keyrt fram af miklum krafti, breið samstaða um það mál.  Pláss er fyrir annað Álver, fjárfest hefur verið á Bakka og allt er til alls.  Það þarf bara að taka ákvörðun, leyfa þessu að byrja af fullri alvöru.

[Haukur (IP-tala skráð) 11.9.2009 kl. 16:18]

Baldur: Hvernig ertu svona viss um að orkunnar sé hægt að afla? Fyrirfram tek ég a.m.k. meira mark af starfsmönnum Íslenskra Orkurannsókna, þegar þeir halda því fram að svo sé ekki. Það er a.m.k. þeirra starf að komast að því. Og einnig; Ríkinu ber skylda að koma þessu af stað. Ríkinu ber engin skylda til þess að koma þessu af stað. Ríkið ætti hins vegar ekkert að vera að þvælast fyrir heldur, en í guðanna bænum, enga ríkisstóriðju.

Og Rauða Ljón, Sjávarútvegur skapar umtalsvert meiri nettó gjaldeyristekjur en álverin, það vita allir sem hafa kynnt sér málið, enda eru erlendir kostnaðarliðir í formi hráefnisaðfanga svo stór hluti í rekstri álvera, auk þess stærsti hlutinn af orkuverðinu fer til útlanda líka til að greiða vexti og afborganir af virkjununum.

[Héðinn Björnsson, 13.9.2009 kl. 08:54]

@Baldur: Það er rétt að það væri til dæmis hægt að virkja Dettifoss eða aðra siðferðislega ónothæfa virkjunarkosti og afla orkunnar þannig en nema djúpborunarverkefnið takist fæ ég ekki séð að orkudæmið gangi upp. Hvaða virkjunarkostir eru inni í þessu orkudæmi þínu? Hvað varðar hvað eigi að koma í staðin og af hverju það hefur ekki gerst enn bendi ég á að áverið hefur heldur ekki komið en að raunhæfar áætlanir eins og aflþynnuverksmiðjan eða bjórbruggun, markaðssetning Gjástykkis og annarra staða á þessu svæði sem ferðamannastaðar eða Hvalaskoðunar hafa verið sultaðar. Með eflingu innlendrar fæðuöflunar mætti framleiða allan mat ofan í Íslendinga á svæðinu og talsvert af eldsneytisþörf landsmanna en allur fókus fyrir Húsavík á að vera á óraunhæft álver. Hvað heldur þú að Húsavík hefði getað fengið mikla atvinnustarfsemi fyrir miljarðinn sem hefur farið í undirbúninginn fyriri álverið sem ekki kemur?

@Rauð Ljónið: Álverin nota mestan hluta gjaldeyris síns í að greiða fyrir súrál og afborganir af erlendum lánum sínum og sama á við um sjávarútveginn. Ferðaþjónustan skilar lang stærstum hluta nettó-gjaldeyristekna, enda ekki eins skuldsett. Hvað varðar ástæðu þess að álverð hækkar að þá er það að mínu mati ekki vegna aukningar í notkunar áls eða minnkunar á framleiðslu þess, heldur fyrst og fremst vegna þess að fjárfestar eru hræddir við skuldabréfa og hlutabréfamarkaðinn og eru að fjárfesta í hráefnum til að halda í einhver verðmæti í gegnum kreppuna.

Annars vil ég taka fram að ég er virkjunarsinni. Þykir virkjanir fallegar og vannýttar til ferðamennsku enda stórmerkilegar á sinn hátt. Ég er hinsvegar á því að tilraunir til að fá hingað álver með svo niðurgreiddu orkuverði að orkufyrirtækin eru að renna opinberum aðilum úr greipum finnst mér óásættanlegt. Ef hægt væri að skattleggja álverin til samræmis við annan fyrirtækjarekstur og súrálið væri ekki undanþegið tolli væri ég alveg til viðræðna um álversrekstur en undir núverandi fyrirkomulagi þar sem allur arðurinn rennur úr landi tel ég viðskiptamódelið slæmt fyrir íslenskan þjóðarhag.