Að bíða í röðinni eða verjast saman?

Þessa dagana virðist vera búið að stilla heimilum landsins upp á þrotaröð þar sem stefnt er að því að bera ekki fleiri út í einu en sýslumaður og lögregla ræður við. Þá fellur það á okkur sem stöndum aftar í röðinni að ákveða hvort við ætlum að bíða stillt í röðinni og leyfa fjármagnseigendum að knésetja þá sem eru okkur framar í þrotaröðinni og ræna aleigunni og vona að þeir verði orðnir saddir þegar kemur að okkur eða taka stöðu með þeim og berjast saman meðan enn eru til samherjar í baráttunni. Ég hef valið að standa með þeim vinum mínum, baráttufélögum og fjölskyldu sem stendur frammi fyrir útburði vegna þess skaða sem hrun fjármagnseigenda varpaði á þá og tek því þátt í greiðsluverkfalli þó ég ráði fyllilega við að greiða áfram, af því ég veit að ef ég ekki ver greiðsluverkfallið í dag þá verða varnir míns heimilis litlar ef verbólgan verður 50 eða 100 % á næsta ári og ég missi greiðslugetuna. Hvað með þig?

Óraunsæi að hundsa verkfall